Қазақстандық оқушылар FIRST GLOBAL CHALLENGE Дүниежүзілік жарысында рекорд орнатты

Қазақстаннан келген оқушылар құрамасы әлемдегі ең беделді робототехника чемпионаттарының бірінде тамаша нәтиже көрсетті. Команда 15-17 жас аралығындағы оқушылардан тұрды. 3 күн ішінде балалар 16 ойын өткізіп, барлығында жеңіске жетті. 167 елден келген қарсыластардың арасында ешқайсысы мұндай нәтиже көрсете алмады. 

Қазақстан Республикасының Оқу-ағарту министрлігі соңғы жылдары технология саласында білім беруді белсенді дамытуда. Қазақстан Республикасының Оқу-ағарту министрі Асхат Аймағамбетовтің айтуынша, бүкіл ел бойынша мектептерде 3000-ға жуық робототехника кабинеті ашылған.

Қыркүйек айының соңында "Қазақстан халқына" қоғамдық әлеуметтік қоры мен RED Robotics Education ынтымақтастық туралы меморандумға қол қойды. Жоба барысында Қазақстанның 187 мектебі, сондай-ақ моноқалаларда робототехника сыныптарымен жабдықталатын болады. "Болашақ инженерлер" қайырымдылық жобасының жас чемпиондарды дамыту мен тәрбиелеуге қосатын үлесі ұлттық құрамадан жүлделі орындарды алуды дәстүрге айналдырады деп үміттенеміз.